Hainbat egunetako elurte eta euri zaparraden ostean, egun hotza baina eguzkitsua agertu zen. Gasteiztik gertu dauden mendi batzuetako arranoen lurraldera hurbiltzeko asmoa genuen, Goizean goiz iritsi ginen mendira, eguzkia atera ondoren. Gora igo eta ezkutalekuan ezkutatu ostean, inguru horretan nagusi den arrano parea etorriko ote zen zalantzarekin hasi zen itxaronaldia. Ordubete geroago harra iritsi zen eta berehala heldu zen emea. Egun eguzkitsua eta argia gogorregia zen, baina zorte handia izan genuen bailaratik laino lodi bat sortzen hasi zelako, fondoa leunduz eta argia leunduz, irudiari neguko giro hotza emanez eta erregina nabarmenduz.